विर्तामोड । मेची कोडिड अस्पतालको आवश्यक सुरक्षाको व्यवस्था मिलाउन नेपाली सेनालाई जिम्मा दिइएको छ । आज भद्रपुरमामा सम्पन्न डीसीसीएमसीको बैठकले कोभिड वार्डको सुरक्षा व्यवस्था मिलाउन नेपाली सेनाको श्रीनाथ गण अनुधरोध गर्ने निर्णय गरेको प्रमुख जिल्ला अधिकारी श्रवणकुमार तिमिल्सिनाले जानकारी दिए ।

बैठकले अघिल्लो निर्णयहरु समीक्षा गर्दै मेची कोभिड अस्पतालमा अलग्गै एचडीयू तथा कोरोना उपचार केन्द्र सञ्चालन गर्नुपर्ने भएकाले आवश्यक जनशक्तिका लागि सामाजिक विकास मन्त्रालयसँग माग गर्ने निर्णय गरिएको छ । हाल अस्पतालमा २५ वेडको एचडीयू सञ्चालनमा रहेको छ । कोरोनाको बढ्दो संक्रमणका कारण अलग्गै सञ्चालन गर्नुपर्ने देखिएको छ ।
डीसीसीएमसीले ८ जना मेडिकल अधिकृत, स्टाफ नर्स १० र ७ जना सहयोगी माग गरेको छ ।