विर्तामोड । विर्तामोडको हनुमान सेन्ट्रलमा लागेको आगो लगभग नियन्त्रण भएको छ । बिर्तामोड, मेचीनगर र भद्रपुरको दमकलले आगो निभाएको छ ।

आगलागी शुरु हुँदा धँुवाको मुस्लोले भित्र छिर्न नसकेका सुरक्षाकर्मी र बारुण यन्त्रका कर्मचारी आगो शुरु भएको जुत्ता पसलमै पुगेर आगो निभाइरहेका छन् । भुँइतल्लाको जुत्ता पसलबाट शुरु भएको आगोका कारण बिर्तामोड धुवाधुवा भएको थियो । आगो नियन्त्रण नजिक आइसकेको बिर्तामोडका डिएसपी मोहन थापाले जानकारी दिएका छन् । उनका अनुसार अब, खतरा छैन । लगभग नियन्त्रण भइसक्यो ।

सुरक्षाकर्मी , स्थानीयवासी, व्यापारी र बारुणका कर्मचारीको सक्दो प्रयासले हनुमान सेन्ट्रलमा आगो फैलिन पाएन । आगो लागेको ठाउँ अप्ठ्यारो भएकाले शुरुमा नियन्त्रण समस्या भएको थियो । सुरक्षाकर्मीका अनुसार एउटा जुत्ता पसल पूर्ण रुपमा क्षति भएको छ । नजिकका पसलबाट आर्मीको सहयोगमा सामान निकालिका छन् । अहिले आगो लागेको नजिकै आगोका झिल्का रहन सक्ने भएकाले खोजीको प्रयास जारी छ ।